بعدت المسافات _____
توهنا وتاهت وشوشنا
هانت علينا روحنا
هانت علينا الذكريات
اتبدلت أجمل معاني
اتنست أجمل الحكايات
ملامحنا مش هى ملامحنا
ولا إحنا بقينا إحنا
سكن الخوف جوانا
عشش فوق جراحنا
ضاع الحب وضاع هوانا
فى زحمة المتاهات
بعدت المسافات....
قلبي يا مسكين
ليه دايما حزين
وخداك الغربة سنين وسنين
لسة بتحلم بالأماني
لسة مستني الحنين
وفا وإخلاص وقلب حنون
لفيت الدنيا شمال ويمين
أدور على حضن يصون
عشرة سنين
بس زماني بكاني ..
نساني فين عنواني
ودموعي بتنزل على الخدين
تصرخ تقول آهات
بعدت المسافات.....
وبعدنا معاها.. بعيد بعيد
ومهما نقول ونعيد
الخطوة تقلت على الطريق..
ودروب الأمل
كانت بينا بتضيق
الدنيا بحر موجه عالي
كنت فيه أنا الضحية
كنت فيه غريق غريق
حتى الي ليا
حتى الصديق
قلوبهم مليانة قاسية
مسكين يا قلبي...
ده العمر محسوب بالثانية
يهمس قلبي على دقة الساعات
استنى يا فرح حبة
حتى لو لحظات
بعدت المسافات...
بعدت المسافات
بقلمي / يحيى المنياوي
...............................
ليست هناك تعليقات:
إرسال تعليق