....... تعالالى يابا .........
تعالالى يابا تعالالى
تعالا إطمن ع حالى
واحشنى كتير يابا
وملهوف اشوفك يابا
وانادى عليك يابا
واسمك بيعطر لسانى
مشتاق اسمع صوتك
بيدينى الأمل والأمانى
واتعلمت من سكوتك
حكمة الوعى والتفانى
ونصايحك منهج ومعانى
وطيبة قلبك لما تلقانى
وحنانك ضٍل لأحوالى
ومن غيرك مليش تانى
تعالالى يابا تعالالى
ع عهدك بصون اوطانى
شرحتها ليا وقولتهالى
لقيتها بتتحقق بالحرف
كأنك حاسس بأحوالى
قسوتك كانت ليا عطف
علمتنى مكونش متعالى
ولا كان فى يوم ع بالى
كل اللى قولته درس غالى
وخوفك عليا فاق الوصف
.....................................
......د .حسن الشوان 🇪🇬 .....
ليست هناك تعليقات:
إرسال تعليق