زجل قصيد باللهجه العاميه اللبنانيه
............
رغوة زبادي
.............
مش كل شاعر بصم بصمي
على الشعر صار إلو بصمي
ولا كل شاعر للحرب منادي
عا خشاب المنابر بعدوا خصمي
بعصر الجاهلي خلقوا البوادي
عالوح الزمن رسموا الرسمي
وبصدر الدهر العطر البادي
لحد اليوم بتفح النسمي
أبن نافع من روس القيادي
بشعر الزجل وسم أول وسمي
الخليلي نحت بالفن زيادي
على شفاف البدر راسم البسمي
ولّْيم صعب بعقل هادي
الوزن فصل طلع أد جسمي
تأرجع شوي لرواد النوادي
بحكمة عقل. وفكر يسمي
ما بتشبع عقل رغوة زبادي
ولا بطعم الذوق بتكون دسمي
وإذا الجوهر ما معبي الزوادي
عامنبر زجلنا لا تدعي بِعصمي
وإذا ما كنت لليل حادي
وخلقت النور من عتم الليالي
حرام تحط أسمك حد أسمي
............. ..............
بقلم الأديب والشاعر يوشع علي إسماعيل
ليست هناك تعليقات:
إرسال تعليق