صاحب السّلم والمتّهم

صاحب السّلم والمتّهم

أنا المسجون، أنا المتّهم

أنا اللي فقلبي نية وسلم

أنا اللي بْغيت نعيش بسلام

لكن زماني ظلمني بكلام

أنا اللي كنصبر عاللّي فات

وهمّا بغاو يصنعو الثبات

أنا اللي فْعيني دموع خْفيه

وكلشي تْهَمْني، والنية نقيّه

أنا اللي نحمل همّ الزمان

ونْقول الله، يْهدي الإخوان

أنا اللي خْدمت بلا حساب

وجاني المقابل قهْر وعْتاب

أنا اللي بنيت وْصبرت سنين

واليوم نحاكم وما درت ذنبين

أنا ساكت، ماشي خايف

أنا قلبي حرّ، ماشي خايف

أنا اللي نْبغي الخير للناس

وهمّا داروني وسط الباس

أنا اللي نمشي راسي مرفوع

حتى ولو الدمع فالعين مفزوع

أنا اللي كانوا يْحسبوني ضعيف

وما عْرفوش السّاكت كيكون عنيف

أنا ماشي ناري كتحرق الدّور

أنا كْلمة حق وسط الزحام تدور

أنا ولد الشعب، أنا المظلوم

أنا صاحب السلم، ماشي خصوم

أنا المتّهم، وقلبي سليم

ماشي ديالي هاد العْذاب والظّْليم

سْكَتّ على القهر، ماشي خوف

ولكن خْليت الوقت يكشف الصّف

وغدا يْبان شكون الظّالم

وشكون فزمانو كان مظلوم سالم

أنا ما بعت لا كرامة لا ضمير

وحتى فْالظلمة، باقي منّور ومستور 

بقلم الزجال حسن السريفي