كلمات الشاعر/ صبرى عبد الواحد الحساني
معلم سابق بمدرسة الإصلاح الزراعي بنجع حمادى
محافظة قنا جمهورية مصر العربية
سعادتى فين
ايه السعاده
انى اشوف طفل بيضحك
ايه السعاده
أنه يفهم تلميذك شرحك
ايه السعاده
انك تنام فى الليل على فرشك
ايه السعاده
أنه يفرح صاحبك لفرحك
إيه السعاده
انك ما تكونش عايش بفردك
ايه السعاده
أنه ولادك يكونو جنبك
ايه السعاده
انك تصلى فى ميعاده فرضك
ايه السعاده
انك تشفى بعد مرضك
ايه السعاده
انك ما تردش حد قصدك
سعادتى فين
السعاده مش فى مال
والصحه تعبانه
السعاده مش فى عيال
والعيشه قرفانه
السعاده مش فى جاه
وقلوبنا حزنانه
السعاده مش فى شهره
والناس كرهانه
السعاده مش فى قوه
وجيوبنا فضيانه
السعاده انى احب واتحب
وترتاح راسى على الوساده
ما انامش مظلوم ولا ظالم
ولا رحت للدكتور فى العياده
السعاده حبكم ليه
أهل وتلاميذى وصاحبى وأولاده
السعاده فى حضن طفل
يارب اشوف لابنى أولاده
السعاده تساعد فقير
فى اى شىء محتاجه
السعاده فى اكلت فطير
فيها المرقه بزياده
السعاده انى اشوفكم
كل واحد مع أولاده
امانيكم حققتوها
والكل شاف أحفاده
والصحه عال وبركه فى مال
ما هى مصر بلدنا ولاده
ارجو الدعاء بالسعادة لى ولكم وراحة البال وستر العيال لى ولكم البركة فى المال لى ولكم دوام الصحة لى ولكم وراحة البال لى ولكم ولكل اصدقائنا وأحبائنا واهالينا يا رب العالمين
اخوكم/ صبرى عبد الواحد الحساني
معلم بمدرسة الإصلاح الزراعي بنجع حمادى
ليست هناك تعليقات:
إرسال تعليق