أد ايه وحشانى
لو عرفتى يا حبيبتى
أد ايه وحشانى
ليه بعدتى وغيبتى عنى
هو ده رد الجميل
ياترى لسه محتاجانى
ولا لقيت لك بديل
قلبى عشقك بس نادم
يوم ما وافق ع الرحيل
لو سأل قلبك عليا
كنتى بتقوليله ايه
طب ما حسش من كلامك
كدبك انتى يوم عليه
ولا ماشفش ف عيونك
سر بتخبيه عليه
يعنى ماحتاجش لوجودى
ولمشاعرى واهتمامى
اعذرينى غصب عنى
لوضايقتك بكلامى
الأكيد مش قاصدى اضايقك
بس قلبى فعلا معبي
وانتى عارفه انى بحبك
وانى مش عارف اخبى
القلق باين عليا والدموع سكنت عنيا
أى حد يشوفنى لازم يعرف انى ناقصنى حاجه
يعرف انى محتاجلك انتى
ماتقوليلى ازاى يا بنتى
ايه حصلك خلاكى جاحده
غبتى عنى مره واحده
خلتينى اقول مش انتى
اللى قلبى داب ف حبك من سنين
سيد الحلوانى
ليست هناك تعليقات:
إرسال تعليق