المهندس حسن محمد خليل
أنا كنت ليكى الملاذ
أنا شفت فيكى الملاذ
الصحبة والأهل العزاز
وحبي ليكى بامتياز
ليه عنى تهجرى
أنا كنت ليكى الحنان
بستان محبة وامان
ليه حبي عليكى هان
وفراقى تاكدى
كنت ليكى وطن
حضن دافي يؤتمن
درع واقى ضد المحن
بتحمل القسية علشان تسعدى
أنا كنت ليكى الحبيب
شمس عمرك مش بغيب
كنت عايش وفاكر انى النصيب
لقيتك عن طريقى بتعكسي
كل حاجة فيه كانت بتناديكى
بتترجا فيكى عايشة ليكى
أرجوكى استنى خليكى
مسمعتيش وصممتى تعندى
ممكن اكون عشقتك بجد
وكنت بصون ومحافظ ع الود
ليه عليكى بهون وتنقضى العهد
متستهليش يالا خلاص روحى عنى ابعدى
ليست هناك تعليقات:
إرسال تعليق