كتير بتوجَـع..
.............................
وكتير عليا أشوف العين تدمع
كفاية غربة
كفاية بعاد
كفاية نعيش على حلم وماضي
عمره ما هاينعاد
كفاية خدتنا الغربة
بلاد وبلاد
كفاية أحلامنا والأماني..
ولو يرجع زماني
آه لو يرجع
وترجع ضحكة كانت تسمع
صدى صوتها كان حنين
وعنين شايفين
حب كان سابق كل السنين
أيام بتروح مش بترجع
كتير بتوجَـع..
والدنيا غلابة
تبكي العين
ويحكي القلب عل الصبابة
يا غربة السنين
نفسي فى يوم أرجع
من الدنيا
أنا شوفت كتير يابا
ناس وحوش وناس ديابة
كتير بتوجَع..
ومين يحس ومين يسمع
حتى الأحباب
صبحوا أغراب
تاه الكلام وي العتاب
مسكين يا قلبي...
كل ما تبني جدار محبة
أو حتى عش عصفور
فوق غصن جنب السحاب
كل ما تمشي فى طريق
بيكون نهايته سراب
الكلمة الحلوة تستخبى
يتبدل مكانها السكات
وحكايات عن عمر عدى
وفرح فات
يصرخ القلب وبصوت آهات
الي راح عمره ما هايرجع.....
الي راح عمره ما هايرجع....
كتير بتوجَع..........
كتير بتوجَع
بقلمي / يحيى المنياوي
ليست هناك تعليقات:
إرسال تعليق