صبايا الحور
ستاير العرض سوده
والحاضر اتحول ذكريات
غنت حروف القصيدة
واتبدل غُناها أهات
صرخة عَويل ونَحيب
دا بكانا كتب أبيات
ورسم على خدودنا بحور
واتبدلت الضحكة ب العبرات
ودوقنا طعم الفراق
واتقسم علينا ف كاسات
عصافير وهجرت عششها
ف قلوبنا طِفَت النور
سابت وراها بيوت
ودعت صبايا الحور
قلوبنا ماتت وراهم
وامته يصيبنا الدور
قاطعين تذاكر للأخرة
والموت اتصدر المشهد
عرايس ف عمر الزهور
ومين يكتب ومين يشهد
فراشات وطارت للسما
والكل بيبكي ويتنهد
حلم اتوأد ومتفسرش
واحنا على حلمهم نشهد
كلماتي:
الشاعر: حليم محمود أبوالعيلة
مصر
ليست هناك تعليقات:
إرسال تعليق