(انا مين)
انا شوكة حيةفي صبر تين
ياصوت ياباحح في السنين
شرخ الحناجر في الهناجر
وقلم راشق في دود وطين
انا مين.
انا جرح غائر في الأنين
كفن سكاتك لفلف رفاتك
دا يوم مماتك
عدا وفات من سنين
اناحلم عايش
طويل وفايش وريشه نافش
ان كنت موش شايف
العورة يمين.
انا عِرق سافف
والعَرَق شافف ملحه جافف
على جبين الشقيانين
أنفاسنا كاس
ترابنا ينباس وعمره ما ينداس
في الزحمة نايات معدنهم رنين
(رجب الشيمي)مصر
ليست هناك تعليقات:
إرسال تعليق