زجل قصيد باللهجه العاميه اللبنانيه
..............
بيت الذوق
.............
كل شاعر كلمتوا جهرها
بالأعلان نزلها بسرعه مَهرها
وما برمها بسهول وودايا
ببيت الذوق ما بينفح زهرها
وإذا ما سقيتها من دموع النقايا
ومن بحر الفكر فجرة نهرها
ما بتدخل بعقول التقايا
وما ببلسم الجرح إلا طُهرها
السمع بدو أشعار الغنايا
وخيول الليل يسرج مهرها
وتينسى شقى أيام الشقايا
عامخدة حلم يمسح قهرها
وناقد أدبنا بدو من خفايا
عقل عِقد شعر النفوس بهرها
تيبحث عالجوهر بكل الزوايا
من كنوز الخيال يجمع جوهرها
الشعر بدو كفوف السخايا
وحقول الموهبه يجني شهرها
الدوالي طل طفلها من الخبايا
الأشقر حِلي عاشمس ضُهرها
وقاضي عدل عاكرسي السرايا
بمطرقتوا نهى زور القضايا
وبيوتي دم دافع مهرها
.............. .............
بقلم الأديب والشاعر يوشع علي إسماعيل
ليست هناك تعليقات:
إرسال تعليق