كلمات شاعر بنى هاشم
الشاعر صبرى عبد الواحد الحساني
حتى انت يا قلم
عايز اكتب ومش قادر
حاسس ان قلمى مكسور
حوليه زهور وورود
ومش شامم ريحة العطور
بضحك رغم ما بيه
وقدام الجميع منصور
قلمى فى ايدى ومش راضى يكتب
ودى حاجه نادرة الظهور
ضغطت عليه قالى. كفايه
سيبنى ارتاح حتى شهور
قلت شهور اعيش ازاى
وكلامى ما يطلعش للنور
دى تبقى عيشة ما ليهاش طعم
وتتكره فيها الحياة والدور
أنا حياتى انى اكتب
واقول واقول وعمرى ما أجور
يا قلمى بالله طاوعنى
ما تخلينيش اعيش مكسور
امسك ايدى مش ايدى تمسكك.
وطلع كلامى للناس والنور
أنا كلامى حكم ومواعظ
ونصايح بين السطور
يا قلم بالله ما تخليني
اعيش باقى حياتى مكسور
حتى انت يا قلم
بقيت عليه أسى ومغرور
خليك زى الحبايب
بقيت تآسى عليه وتجور
ليست هناك تعليقات:
إرسال تعليق