الساعة
بتوه وبنسىٰ نفسي سنين
وعقارب ساعتي معنداني
عايش حياتي جوه الحيط
وفكراني بتحايل وعدواني
أنا اللي عمري خلص وانتهىٰ
وعطياني دروس مجاني
كل لفة من عقاربها
بيقل معاها عمري وزماني
وأنا اللي عايش حياتي حياد
ورحايا الدنيا طحناني
فيها مغلوب على أمري
وخوفي قتل أمني وأماني
وأنا المظلوم وبشاكس
وبتشعبط ف ترسها الفاني
مُت ميت مرة بس ولا مرة
حد عزاني وجاني
وأناالمظلوم البرئ
وطلعت طول عمري الجاني
كلماتي:
الشاعر: حليم محمود أبوالعيلة
مصر
ليست هناك تعليقات:
إرسال تعليق