"خارج الخدمة"
مش لاقي حد يكلمني
قاعد لوحدي وحزين
شارت عليه نفسي
نروح نشتري تليفونين
أنا يتصل بيه
نفسي تقول أنت مين
جوايا ترغي معايا
رصيدنا يخلص في مكالمتين
شافني أنا مضايق
قام وقالي كلمتين
الأولى روحت أنا معاها
صعبت عليه نفسي نزلت دمعتين
والتانية خدتتني لدنيا تانية
وقلت أنا روحت فين
فجأة بصيت ع الحيطان
لقيتني معاشر ميتين
براويز متعلقة معرفش صحابهم ميتين
اتصلت أنا بنفسي لقيتها خارج الخدمة
بعتلي رسالة وقالت أنت فين
رديت عليها قلت لها
نفسي تجيلي يومين
نسهر ونلعب كوتشينه
والشايب يا شايب فين
أنا كنت ف زماني جوكر
دلوقتي محصلتش البلي والاتنين
اتصلت نفسي وقالت كمان جمعتين
أستنى أنا نفسي ونفسي تستناني
بنستنى أنا ونفسي باليوم والاتنين
لا حد يجي لنفسي ولا أنا حد بيجيني
قاعد كدا ونفسي بقالنا سنين
مليت أنا من نفسي وم التليفون
مفيش أرقام جديدة
هما يدوب رقمين
فكرت أتفسح شوية
تهت أنا من نفسي
بعد خطوتين
ورجعت أجر أنا ف خيبتي
معرفش طريقي منين
وزهقت كمان من نفسي وكسرت التلفونين
كلماتي:
الشاعر: حليم محمود أبوالعيلة
مصر
ليست هناك تعليقات:
إرسال تعليق