//////+++بوهالي+++//////
دنيا حكمت على بوهالة
دنيا مادايمة رحالة
وتغيرت علينا سر الحالة
وبحالي شلى مالين دربالة
مانا غني نحسب مالي
في مداحي وندابب هوالي
بوهالي عايش مع حوالي
امثى هذا الحالة تسالي
عكازي رفيقي وونيسي
لولاد صحابي وجليسي
لامن يحسب كحتي وعطيسي
غير دربالتي وداك كويسي
تلقاني ماعارف اطريق
ماعندي من لبشر ارفيق
لا من يساعد ويكون صديق
وانا حامل همي والضيق
وا كلشي ياك عندي مقلوب
ف حياتي منسي ياك مغلوب
عقلي مسكون وانا مثعوب
وشكون سبابي هاني مسلوب
مجذوب لتكلمت وانا غادي
ونلوح الهدرة لسيادي
ف الحضرة تحلى انشادي
يالخاوة وانا في عمق نهادي
ملي والي عليا يعيط
وا فوق الشوك راني نعفط
واشحال من اطريق كانخبط
و زقاق طويلة وانا نخيط
وا ف الجدبة راك تلقاني
اتشوفني تخليني نعاني
ربي شايف للي بلاني
بالحقد كتفني ونساني
مانسمح من كان ليا سباب
من دخلني في هذ باب
غير عدروني راني ف عذاب
ادعيتهم لربي مزمم سباب
بقلم صقر الحروف
الزجال المحجوب بوسبولة
ليست هناك تعليقات:
إرسال تعليق