ليله النسيان
كتبت ليلى رزق
فى ليله النسيان
فى ليله من ليالى الخيال
آه لو كنت معايا
آه يا قلبى الخيبان
ضعت و ضيعتنى معاك
فى ليله النسيان
فى أختيار كان ..
تنسى ذكرى
أو حتى تنسى فكره
تنسى كل الأحزان
فى ليله النسيان
آه أنا القلب الخيبان
ياريت ...
أنسى حبى .. أنسى جرحى
أنسى حتى فرحى
أنسى كل اللى كان
فى ليله النسيان
آه يا قلبى الخيبان
طيب والأفراح ازاى تنساها ؟
افراحى هى سبب جراحى
بدلت حالى ..
قتلت فيا حتى الأمانى
وتسألينى أزاى انساها
يومها فرحت وصدقت
غمضت عينى ولا فكرت
ولا خطر على بالى شك
إنى غرقان ف الأوهام
وبقيت قلب خيبان
فى ليله النسيان
ليله بكل الليالى
أنسى فيها كل اللى جرالى
أنسى أفراحى وأحزانى
أنسى كل الأيام
فى ليله النسيان
هتولد من جديد
قلب ابيض بلون الياسمين
قلب هادى جميل
وحيد أنعم فى وحدتى
فى أمان وسلام عايش
ولا اخاف من أنسان
يهجرنى ويسيبنى حيران
فى ليله النسيان
هجرى بعزم ما فيا
ههرب من الدنيا ديا
هوصل لبر أمان
و هعيش ..
لو كان فى أو مفيش
قلب أنسان
قلب أخضر
فارس الفرسان
فى ليله النسيان
يا قلبى أنت مش خيبان
أنا وأنت هنكتب حكايتنا
ونبدأ من جديد
بنت زى كل البنات
ليها كمان بنتين اخوات
وشاطئ مش بعيد
نعلب ونجرى ونحلم
وحلمنا فى الأيد
نعيش ولا نخاف
معانا كل أحبابنا الغالين
هنفكر تانى فى مين ؟
نسينا كل اللى كان
فى ليله النسيان
ليست هناك تعليقات:
إرسال تعليق