راجع أقولك كلمة وماشي،
بعد ماكنت ماهقولهاشِ،
عقلي رفضها وقلبي طلبها،
لما عرفك مابتسواشِ،
الله يسامحك ياللي ظالمني،
شيلها في بالك ومتنساشِ،
واوعى مرة تاني تكلمني،
إنساني بقى ماهكررهاشِ.
حظي خلاص وياك جربته،
مال البخت معاك ولا جاشِ،
وإللي خفت انا منه حسبته،
رميت الزهر عليك معطاشِ.
لعبة سخيفة وحب مزيف،
منك عقلي مصدقهاشِ،
ولو قلبي فيها مكنش رهيف،
كان حس بيها مكملهاشِ.
راجع أقولك كلمة وماشي،
بعد ماكنت ماهقولهاشِ،
عقلي رفضها وقلبي طلبها،
لما عرفك مابتسواشِ.
ــــــــــــــــــــــــــــــــــــ
بقلم الشاعر رفعت العربي التميمي
ليست هناك تعليقات:
إرسال تعليق