أغنية
عيونك
بقلم شريف شحاته مصر
حبيت الشوق فى عيونك واللهفة خدتنى إليك
أحتاج همسك وبصونك وأحتار من خوفى عليك
أسرح وأتوه فى جمالك وجمال الحب معاك
دايما يشغلنى خيالك وأطمن وأنا وياك
من لمسة شوق بإيديك واللهفة خدتنى إليك
اللهفة خدتنى إليك
دايما تسعدنى بقربك وحنانك بيخلينى
مرتاح دايما وأنا جنبك همساتك بتهنينى
وعينيا تتوه بوصالك الروح تسرح فى جمالك
حياتى تهون علشانك ولا يوم يتغير حالك
أفرح وأتغزل فيك واللهفة خدتنى إليك
اللهفة خدتنى إليك
على طول يا حبيبى أشتاقلك لو غبت عليا شوية
أستنى ساعة ما أقابلك وأبوح بحياتنا الجاية
تحلفلى ما تبعد عنى ولا شمسك تغرب يوم
الفرحة معاك بتاخدنى ويضيع من عينى النوم
الشوق بيبان فى عينيك و اللهفة خدتنى إليك
اللهفة خدتنى إليك
ليست هناك تعليقات:
إرسال تعليق