أغنية
مثالك
بقلم شريف شحاته مصر
فى العشق ما شفت مثالك ولا زى قلبك وحنانه
والعين ما رأت فى جمالك ودة وقت الشوق وزمانه
قربك جنبى بيسعدنى يا أبو أجمل إبتسامة
قلبك دايما يوعدنى مع نظرة فيها علامة
وأدعيلك يسعد حالك فى العشق ما شفت مثالك
فى أول مرة قابلتك شفت حنان فى عينيك
بعدها قلبى إشتاقلك ودق سألنى عليك
ولما قابلتك تانى قالى دة حب حياتى
راح ألمى وأحزانى ودة أجمل أوقاتى
ونفس الإحساس جالك فى العشق ما شفت مثالك
توعد قلبى بحبك وتحلف لى وتوفيلى
وأسمع دقة قلبك تسعدنى وتدعيلى
أنا عن نفسى أقولك عمرى ما أخون إحساسك
ونظرة عينى تقولك أنا كل الدنيا وناسك
ولا يوم شك يزور بالك فى العشق ما شفت مثالك ولا زى قلبك وحنانه
والعين ما رأت فى جمالك ودة وقت الشوق وزمانه
ليست هناك تعليقات:
إرسال تعليق