حنين و أمل.... ١٢
ماما أمريكا
********
بقلمي✍️السيد عطاالله
عاوز تحكم و تتسلطن
بالانجليزي لازم ترطن
أمريكا مرض مسرطن
عاوز تحكم يلا إدفع
حبيبتي ماما أمريكا
ليه تاخدينا ببولتيكا
خوفنا بيانو و مزيكا
يدق قلوبنا و يصفع
في غزة بيدي أطفالنا
عادي أهو كله بأموالنا
صعب ع الصين حالنا
للمعونات صارت ترفع
يلا إدعمي كيان ظالم
من مالي دا أنا مسالم
بالكرسي هاكون سالم
أه و إللي زعلان يفقع
على خيبتنا داري وداري
غير المستخبي و مداري
من باع دينه مش شاري
لمامته أمريكا راح يركع
ماما أمريكا عامله مسرح
و إللي مش عاجبه يسرح
الأمر خطير و لازم نشرح
ماما جوانا للخوف تزرع
خدي من مالي ولازم ترضي
لو تستبيحي مالي و عرضي
دمي رخيص و كمان أرضى
من ثدي الخوف كنت برضع
مزابل التاريخ تواريكم
ربنا في الأخرة يوريكم
نتحسبن بس ربنا فيكم
مدهون بذل تاج مرصع
كلمات السيد عطاالله.
ليست هناك تعليقات:
إرسال تعليق