* قصيدتي ( رأيك قولي )
يا قلبي إيه رأيك قولي
صون نبضك وكرامتك عالي
ويا قلبي ما تهدي عليا
يا تعبني من غير حنيه
حبايبنا ولا سائلين فينا
وباعونا للشوق يكوينا
متقولي ليه صبري عليهم
نتحايل ونبوث اياديهم
كام مره وبنجري وراهم
وأملنا في الوصل رضاهم
ولا مره ريحنا هواهم
حتي العشره كواها جفاهم
علشان يعني ما قلوبنا جميله
بنسامح وبننسي العيبه
يفوتونا ولا يسألو فينا
وقلوبهم ما ترد علينا
وحياتك ما أنا سائل تاني
لو قالو في الوصل أغاني
ولو جونا بدموع مساكين
راح نقسي ما احنا العارفين
وقاسينا منهم في سنين
ياما جونا من قبل كتير
وسامحنا والقلب كبير
وفرشنا بالورد طريقهم
من دارنا ولعتبه بيتهم
ونسجنا من الوصل حكايه
تتغني وتتعاش في روايه
يا خساره ولا تمرت فيهم
بيبيعو من فرط أيديهم
خلاص بيعنا ونسينا هواهم
ريحنا ولا تبكي عليهم
ويا قلبي إيه رأيك قولي
صون نبضك وكرامتك عالي
* انتهت من فضل الله تعالى قصيدتي ( رأيك قولي ) ونؤكد على أن جميع حقوقنا محفوظه وفقا للقانون مع أطيب تحياتي الأديب الدكتور محمد يوسف
ليست هناك تعليقات:
إرسال تعليق