كل شىء مخيف فى دنيا العجايب
كثيرة شخصيات البشر
منهم الخطر ومنهم إيلي برجه مطر
منهم الطيب والمسامح
وإيلي لسه ماكلش من امبارح
والخدوم إيلي عشان غيره يبعله هدوم
ومعانا عيون بتطرح ورد
وعيون تانية مليانه سموم
مابتقبلش الخير لحد
ودايما عايشة دور المظلوم
ناس وناس
فيهم إيلي عنده الإحسّاس
وفيهم إيلي ماعندوش أساس
الحب فيها بقى بالتعوِد
النبض فيه مابقاش متروِد
دنيا واخدانا من حبايبنا
بتلاقي مبرر فى البُعاد
وآهو الميديا بتقربنا !
بتكون مصدفة من غير ميعاد
مابقاش فيه إنسانية
الكل بيضرب
من دم أخوه فرحان وبيشرب
خلاص بقت حاجه عادية
آه من الأنانية
غريبه أحوال البشر فى دنيا هانفوُتها
ماشيين مش هاناخد حتى سطورها
والكل بيجري بيدوس ع التاني
عاوز يلحق الشوط التاني
مسكين عامل حسابه
على وقت ضايع ...
فاكر انه ليه اسبابه...
لكن وقته مالوش بدل ضايع
الحُكم هينزل والكل هايتحاسب
آه يادنيا العجايب
محمد بكر
ليست هناك تعليقات:
إرسال تعليق