امثالي
××××××
اتلم العبيط ع المحتاس ولخبطوا بأمور الناس
خليك ديما في الحق حر وما تشربش ذل أو مر
مهو ما يكركبش المكان غير اللي مش نضيف في الجوهر أو الكيان
صاحب النفس الحقودة يتمنالك ميت مصيبة
مهو اللى مابيطلش النظرة والابتسامة يبقى ضاع منه الحب والسعادة
في المولد ساب كل الناس وسرق هدومي والمداس
بياكل في بتنا كثيرر وبيطلع يسب زى الكلب الحقير
الحزين بيبان علية الحزن من نظرة العيون
والمهموم بيكون لونه مخطوف وملخبط في الظروف
كل الحظوظ راحت مننا وتخاف تيجى وتسكن عندنا
الحظ كله إتباع وأحنا خَبَينا عنينا بالقناع
الخسيس مات في عيون الناس حتى لو أتمسح زى الكلب الهاث
لو عندك بير ما ترفعش شعار أنك فقير
ساعات بخت العفشة ملوش زى وبخت الحلوة بيقول أنا مش جى
ناس شاطرة ملهاش نصيب وناس خايبة والحظ ليهم حبيب
حظ الوحشة أم ضب أفضل من حظ الجميلة طيبة القلب
أمثال من تأليفي وبقلمي
أديب وشاعر مهندس/ محمد عوض
6/5/2025
ليست هناك تعليقات:
إرسال تعليق