قلبك مزار
ليا ف قلبك نصيب
وأكمل حياتى معاك
بشتري ودك يا غالي
وعمرى إبتدا وياك
نظرتك تسرق سنينى
وسعادتى تكمل برضاك
وأغزل ف عيونك حكاوي
تتغنىٰ بأوتارك وألحانك
الوردعشقته ف خدودك
وضعفت من عطر شذاك
سنين وأنا بعشق رموشك
وبشتاق لحسن هواك
توحشنى رعشة إيديك
وحلاوة رسمك وتفاصيلك
وأعيش وأموت ف عنيك
وأسكر وأفوق ف أحضانك
وأعمل قلبك مزار
وأنا أبقى كل زوارك
كلماتى:
الشاعر: محمود أبوالعيلة
مصر
ليست هناك تعليقات:
إرسال تعليق