اعترافات عربيذ
بقلمي: سعيد الجدي الادريسي
حياتي، امشات فالمزاح
يا وايلي، صرت ماشي مرتاح
دوزتها غير فالسبهلالة الفارغة
غير مع التخذير و الاقداح
نهاراتي كلها كيف و اوساك
لياليا سهر و رقص مع الملاح
حياتي، امشات فالمزاح
يا وايلي، صرت ماشي مرتاح
فقت، ايه، و لكن معطل بزاف
ضيعت كثير من اوقات الفلاح
صحتي، صارت فخبر كان و ان
عظمي تلاشى و صرت ملتاح
يا رب، اغفر لي ذنوبي و تصفح عني
انا، دابا، نادم، يا ملهم السماح
شد بيدي و و جهني فين كاين الصلاح
سير بيا نطرق باب التوبة و النجاح
راني، ليك، يا جليل، سلمت امري
نور طريقي و اجعل قلبي فانشراح
حياتي، امشات فالمزاح
يا وايلي، صرت ماشي مرتاح
نوصيك، يا ابنادم، ما تسلك فجاح لحرام
راها كلها مضيعة و ملطشة و نواح
كون مع الله في السراء و الضراء و الرخا
يكون معاك، سبحانو، فاحلك البطاح
و اياك، يا انسان تغرك صحتك
و اياك تحكمك هاذ الدنية الفانية
راها غير لهاية و ممر كلو جراح
حياني، امشات فالمزاح
يا وايلي، صرت ماشي مرتاح
يا ودود، يا فعال لما يريد
انا ليك مثايب و رافع الراية البيضا
أوآه و في جنانك لخضر سارح
ساعدني نتوب نتغرم باهذابك
نصلي على الماحي، نور الاصباح
شمس ملتنا المحمدية الساطعة
على قلوب المؤمنين الاقحاح.
Saïd alajdi el Idrissi
29/10/23
ليست هناك تعليقات:
إرسال تعليق