زجلية بالعامية السورية
تغيير
تمنينا ننام ونصحى
نلاقي التغيير
بعدا بالكلمة الفصحى
تندمنا كتير
***
كنا بأمن وسلامة
وشوية ضيق
صرنا نشوفك الحرامي
بنص الطريق
يا عيني دخلك نامي
ما بدي فيق
يمكن شوف بأحلامي
حالي عم طير
***
كنا نعيش ب محبة
ومعها الأمان
ونفتل قبل هالكربة
كل البلدان
صرنا جوات العتبة
وبين الحيطان
ندعي دخلك ياربي
شوية تيسير
***
كان الجار يعاملنا
بود وإخلاص
صاير بدو يقتلنا
بنار وبرصاص
لو حتى شو ما عملنا
ما إلنا مناص
التهمة موجودة إلنا
غدر وتكفير
***
دخلك ياربي العالي
تهدي هالبال
تحمي وطنا الغالي
ويروق الحال
تحمي أهلي وأطفالي
وكل العيال
وبعد عسر هالحالي/ة
رزقنا التيسير.
محمد حبيب يونس سورية
نفتل: نتنقل زائرين
الكربة: المحنة
ليست هناك تعليقات:
إرسال تعليق