* قصيدتي ( صورتك كفايه )
حبيبي صورتك حكايه
شايلها دايما ويايا
ألوانها حلوه وكفايه
أشوف عيونك هوايا
ياخدني عندك منايا
أحس إنك معايا
وإن طال غيابك يا روحي
وجودها بلسم جروحي
أفكار تاخدني لمكانك
أشواقي صحيت عشانك
يا غالي صورتك بدايه
لحب مالهوش نهايه
كتير بشوفها وبغني
حبيبي سحرك فتني
متقولي إيه الحكايه
وليه فايتها معايا
حرام تدوب عيوني
النوم وراحتي فاتوني
سابوني وحدي لشجوني
من نبض قلبي بعاني
سريع وفايت مكاني
لاقيته ماشي ورايحلك
مسكين ومغرم بسحرك
سألته ليه فايتني
هاجرني ليه جاوبني
قالي صورتك حكايه
خدها صورتك كفايه
حبيبي وارحم هوايا
يا تيجي تفضل معايا
يا تاخدها صورتك كفايه
* انتهت من فضل الله تعالى قصيدتي ( صورتك كفايه ) ونؤكد على أن جميع حقوقنا محفوظه وفقا للقانون مع أطيب تحياتي الأديب الدكتور محمد يوسف
ليست هناك تعليقات:
إرسال تعليق