أغنية
يا محيرنى
بقلم شريف شحاته مصر
ساعة يحزن ساعة يفرح ساعة يهرب من الكلام
كل مرة أقوله نسرح قلبه يخشى من الغرام
روحى تهمس له بغرامى وقلبى ينبض بالهوى
يقولى خايف من خصامى أو فراق ما نكون سوا
ليه يا روحى الحيرة فيك وخايف تحلم بالفرح
هو أنا مرة قسيت عليك ولا قلبى فى يوم جرح
ليه على طول تاعبنى خوفك ومحير فؤادي قلقك
لو انت خايف من ظروفك أو تقول كلمة أحبك
يبقى كتير عليك حنانى لو بتسمع حد تانى
أو تصدق كلمة عنى أو تبيع الناس علشانى
ليه ساعات الحب تهرب قولى ليه كتر الخصام
ساعة يحزن ساعة يفرح ساعة يهرب من الكلام
كل مرة أقوله نسرح قلبه يخشى من الغرام
قلبى عمره ما خان هواك ولا كان يوم عقلى فكر
فكرى طول اليوم معاك ليه غرامك شئ يحير
شفت معاك كتير ليالى عشت فيها سهر وحيرة
دايما معايا تخاف يا غالى دة إسمه خوف ولا إسمه غيرة
يا سلام لو تسمع همساتى وأعيش وياك باقى حياتى نفرح ونعيش كل لحظة سيبك من بكرة ومن الآتى
دة ما فيش أجمل من أوقات كلها شوق مع الأحلام
ساعة يحزن ساعة يفرح ساعة يهرب من الكلام
كل مرة أقوله نسرح قلبه يخشى من الغرام
ليست هناك تعليقات:
إرسال تعليق