كل يوم صرخه
وفـ قلبنا شرخه
كل يوم دَمعه
وفـ قلبنا واجعه
كل يوم صَرعَه
وفـ نفسنا فجعه
صِبَا بيهدموا أمله
شباب بيدبحوا حلمه
عصفور أمل بيطير
لكن لدباحه
سِر الحياه بيهيم
لكن فـ حضن جراحه
بيحرمه عيشته وبيحرمه أهله
بيحرمه عشه وبيحرمه أرضه
بيحرمه شرفه وبيحرمه عرضه
بيحرمه شُربُه وبيحرمه أَكْلُه
بيحرمه يعرف يعني إيه دنيا يعني إيه طعم الحياه
وحرام لمرة يصيح أو يطلب في يوم حقه
أو إنه مرة يقول الأرض دي أرضه
كل ذنبه الصبي إزاي بالوطن شرفه ربه
يبقىٰ الجحيم الجِزَا والقتل والتنكيل
ويعيش ذليل الصبي خدام فقير وعليل
تسأل يا ناس طب ليه؟ وذنب الطفوله إيه؟
تلاقي الجواب الوطن .. اشمعنىٰ لِيهم لِيه ؟؟؟!!!
وجدال وحوارات فارغة وتاريخ كذوب تايه
يعطي الحقود الغبي حق الصِّبَا الطَّاهر
وللجبان الدِّنِي يوالي وعلىٰ نصرته مُظاهِر
يااا ناس !!!
يا ناس كفايه
كفايه قهر ونار
كفايه ظلم وعار
كفاية موت ودمار
ياااا ناس !!!
يا ناس يا عالم بشر
يا ناس زبالة وعِرر
يا ناس وعار علـ البَشر
يا ناس في صورة بقر
آدم هتقولولوا إيه
حَوَّا هتقولولها إيه
إبراهيم هتقولولوا إيه
هارون هتقولولوا إيه وكمان لموسىٰ أخوه
يا ناس!!!
الله هتبررولوا بإيه
🌹❤🌺💓🌹💖🌺💕🌹💞
الشاعر: محمد أبو نُزهه🌹❤
ليست هناك تعليقات:
إرسال تعليق