((( عيد جوازي )))
كل سنه وانتي طيبه
يا نور العين
وأنت طيب
يا أبو محمود وحسين
بكره الاتنين
عيد جوازنا الأربعين
عيد جوازنا الأربعين!!
زي مايكون
لينا شهرين متجوزين
ومين طال مطالك
وحاله زي حاللك
متجوزه معلم خبير
وشاعر كبير
****************
يا ريتك صنايعي بيوميه
ولا عامل أجير
كنا بالبقشيش
نعرف نعيش
بكره تشوفي حاجات
وتعيشي عيشة البهوات
تحويشة أربع سنين
****************
وأقول الفلوس فين
اتاريك جوين
عامل حساب بكره
عيد جوازنا الأربعين
غدا وعشا بره
واللي عايزاه بالمره
وأجيبلك عبايتين خروج
كفايه واحده يا ابو محمود
وهاتلك بدلتين شيك
يليقوا باسمك وبيك
وعشناها ليله
بألف ليله وليله
****************
الشاعر محمد علي فرغلى احمد
نزلة باقور مركز أبوتيج محافظة أسيوط جمهورية مصر العربية
ليست هناك تعليقات:
إرسال تعليق