زجل
عربجي
بقلم شريف شحاته مصر
عربجي وسايق حنطور طول ليلي ألف وأدور
أنشد مواويل وسطور عربجي وسايق حنطور
مبسوط بالعربة وخيلي وزباين حلوة جميلة
في الفسحة الناس تدعيلي لو حتي الأجرة قليلة
والفرحة تشد في حيلي لو كانت فسحة طويلة
والخيل فرحانة معانا أنا والركاب يا هنانا
يسمعوا أغنية يا سايق حنطور وبيشكروا فيا يا سايق حنطور
حلوين قوي مع بعضينا والبحر بيسحر فينا
والخيل تتمختر بينا وتلف معانا وتدور
عربجي وسايق حنطور عربجي وسايق حنطور
وساعات بتجيلي زباين أغراب عني وأجانب
الحب عليهم باين أهلا مرحب يا حبايب
والليلة جميلة ياسايق حنطور وكأننا عيلة يا سايق حنطور
وساعات بتمر سريعة مع خيل فرحانة وديعة
من غير مكر ولا خديعة ولا فيه ركاب بتثور
عربجي وسايق حنطور عربجي وسايق حنطور
ليست هناك تعليقات:
إرسال تعليق