مية وقوت
حَـد يـقُـول لِي الأوهـام دِي إيه ؟
أول مُسمار يِندق ف نَعش المُوت
يِــهْــلِ الــلِّيـل الــطويـل ع الـكل
فـكـر وقــلـق وخـوف وسـكـوت
ونـايـات تـغـنـي وتـعـزف آهـات
وجـواك وحـدة تِـقَيِّـدك م تـفوت
وجـوع وعـطـش لكل الحاجات
مش عطش وجوع لِمَيَّة وقوت
وصحبة قالبة وِشْهَا زي السراب
وقـلـوب قـاســيـة وجــبــروت
حــريـفـة ف الرغــي والعـكنـنة
بـعـد ما كـانـت حِنَـينَة وكُـيـوت
وخـوف يـعـشـش جُوة قُــلـوب
مفـيش جـواها روح ولا صوت
نـفوس ضـعيفـة وكمـان هـشـة
كـمـا القـشة وخيوط العنـكبوت
أرواح تِـدفـي مِـن غــيـر غَـطـا
وخـلـق بـاردة تـحـطـم بـيــوت
وأنا عايش ف دنـيتي وبـلعاني
زي النبي يونس م بلعه الحوت!!
كلماتي:
الشاعر: حليم محمود أبو العيلة
مصر
ليست هناك تعليقات:
إرسال تعليق