* قصيدتي ( كنت أتمني )
كنت أتمني
أشوفك عالي
في قلبي تملي
انت الغالي
كنت بشوف
الدنيا بعينك
إن غبت في ثانيه
باقولك فينك
كنت القلب
ونبضه حنينك
لو تزعل مني
انينه انينك
كنا اتنين
بالهوي عايشين
أحلامنا تكفي
سنين وسنين
غناوينا تسلي
ليل العاشقين
ما اعرفش الجفوه
دي جاتنا منين
واذاي العين
بتفارق عين
ونبضنا واحد
صار نبضين
معقول تنساني
في غمضه عين
مش يمكن هفوه
وعين حاسدين
تهزمنا وتمسح
حب سنين
طب فين العشره
وفين الزين
مكانش في بالي
أقول كان فين
ولا ارسي لحالي
وتبكي العين
سامحني يا قلبي
وعيش تاني خالي
كنت أتمني
يكون الغالي
* انتهت من فضل الله تعالى قصيدتي ( كنت أتمني ) ونؤكد على أن جميع حقوقنا محفوظه وفقا للقانون مع أطيب تحياتي الأديب الدكتور محمد يوسف
ليست هناك تعليقات:
إرسال تعليق