* قصيدتي ( ولا تسأل )
ولا تسأل
ولا تبدي اللوم
عارفينك حاتجينا في يوم
تتودد وتقول مظلوم
وحيات ما أنا قلبي ندالك
من يومها وكان قاسي دلالك
وحيات ما جافاني النوم
ولا خنتك ولا بعتك يوم
وحيات ما أنا شوقي كواني
سهرني وبهدلي كياني
ما تجيني ولا ترجع تاني
انا قلبي من يومها نسيك
ولا شايفك ولا فكر فيك
ريحني وحوش عني صفاك
ما أنا قلبي مش حمل هواك
ولو لسه بيتمني لقاك
إنساني وخد قلبي معاك
صدقني مش حستناك
ولا حبكي واترجي رضاك
كان قلبي في حبك مخدوع
كان قلبك في الصدر ضلوع
ترويها من عيني دموع
وتنور من حبي شموع
هان كله في غمضه عين
ضيعته وحب بقاله سنين
وبدال الحب فضلي أنين
من طيبه قلبي يقول دا حنين
بيشق الصدر تقول سكاكين
ويطفي الشمع تقول هوي مين
تعالي يا قلبي وانسي هواه
كفايه يا قلبي ظلمنا معاه
من ظلمه الدمع جرحلي الخد
من قسوة قلبه نسيته بجد
يا قلبي تعالي نعيش خاليين
أو حتى نصادف ناس تانيين
ربك شايف عالم بينا
يجبر حالنا وفضله مالينا
نقابل بكره مخلص لينا
حبيب يهوانا وقلبه علينا
* انتهت من فضل الله تعالى قصيدتي ( ولا تسأل ) ونؤكد على أن جميع حقوقنا محفوظه وفقا للقانون مع أطيب تحياتي الأديب الدكتور محمد يوسف
ليست هناك تعليقات:
إرسال تعليق