أغنية
يسمع لكلام عزالى
بقلم شريف شحاته مصر
يسمع لكلام عزالى يبدأ يعاتب ويلوم
وعتابه يبدل حالى وأحتار أنا طول اليوم
بيعيش مع كدب الناس ويصدق كل ظنونه
وأقوله كلام حساس ويشوف حبي في عيونه
وأنا أحايل فيه وأطاوعه وبرضه بيشغل بالي
ويسمع لكلام عزالى يسمع لكلام عزالى
إسأل قلبك حيقولك ألف دليل علي شوقي
وإرمى ظنونك ورا قلبك وإسمع لكلامي وذوقي
كل ظنونك أوهام وأحلف علي صدقي معاك
وتعالي نعيش أحلام وهوايا يدوب في هواك
مش ممكن كل مقابلة تزعل وتقول أنا مالي
بيسمع لكلام عزالى يسمع لكلام عزالى
عزالنا بيحسدوا فينا وإنت بتسمع أوهامهم
حاسدين الفرحة علينا وتصدق كل كلامهم
جرب كدة تبعد عنهم وتعيش مع شوقي بقلبك
وما تسمع مرة كلامهم وتصدقني وأنا جنبك
يمكن كدة وانت معايا تنسى ظنونك يا غزالي
بيسمع لكلام عزالى يسمع لكلام عزالى
ليست هناك تعليقات:
إرسال تعليق