المهندس حسن محمد خليل
دنيا فيها ناس غشاشة
دنيا وفيها ناس غشاشة
زى العظم ميجيلوا هشاشة
فيها ناس صادقة وناس نتاشة
وناس مش لاقية وناس بتاكل بغاشة
ناس عايشة غش فى غش
ضحكتها صافرة مالية الوش
وناس فيها الحلو ممرر
طعمه عامل زى المش
فيها الواطى عايش باشا
وناس نهارها زى ليلها
عايشين بس ومقضينها
بلا هدف حياتهم بيعينها
ملهمش لازمة ناس بكاشة
وناس تانية فى العشوائيات
مش عايشين غير حزن واهات
وفقر ماسك فيهم ومعاهم بيبات
وتدخل قلوبهم كلها بشاشة
ليست هناك تعليقات:
إرسال تعليق