* قصيدتي ( استنيتك )
استنيتك يا حبيبي كتير
واتمنيت لو اشوفك اطير
من شوقي وحنيني اليك
من فرحي لو شفت عنيك
ما انا قلبي بيسالني عليك
يا حبيبي بتتاخر ليه
في معادك ولا انت ناسيه
ويا غالي ما ترد عليه
شوف من أمتي بنستناك
اليوم ولبكره أملنا لقاك
يا حبيبي تعالي كفايه غياب
أنا قلبي خلاص مش حمل عذاب
سألوني الناس متحير ليه
مشغول سرحان عرفنا في إيه
رديت علطول مستني حبيب
من شوقه القلب عايزله طبيب
قالولي دواك لو تدري عجيب
ما تلوم القلب دا كله نصيب
وحبيب القلب أتأخر ليه
ولا انت سبقته بترمي عليه
كلامهم والله كتير صحاني
من قلقي وشوقي كمان وهيامي
فكرت شويه أنا فين وكلامي
عن بكره اليوم أنا إيه وداني
ما الشوق نساني الشوق نساني
فضلت مكاني أفكر فيه
والشوق خلاني أنادي عليه
متيجي يا بكره مأخر ليه
* انتهت من فضل الله تعالى قصيدتي ( استنيتك ) ونؤكد على أن جميع حقوقنا محفوظه وفقا للقانون مع أطيب تحياتي الأديب الدكتور محمد يوسف
ليست هناك تعليقات:
إرسال تعليق