ايا زين قلبي فالمحبه معلق
قلبي تعب والنار تحرق حريقه
بعدك عذابي واللقا ما تحقق
بادر بوصلك فالمحبه عميقه
اي والله ان الهجر خلاني اقلق
والقلب غارق بين همه وضيقه
من يخدع الاحباب يحرق ويغرق
اما انا ماخنت حبي دقيقه
في حبها هايم وفي حبها حق
ما طيق هجرك يالغلا ما اطيقه
ليش العتاب ليش الزعل ليش تحنق
قلي امانه بالعلوم والحقيقه
جيت اتصل بك وانت يازين مغلق
مشغول عني واتصالك تعيقه
من علمك للهجر بالله يا ازرق
وانا الرفيق اللي يواسي رفيقه
من فرق الاحباب قالو توهق
يجعله الله في حياته معيقه
من خانني خطه كما قلت مطلق
بمشي طريقي مثل ماهي طريقه
والله يعينه من عليا تمحذق
دام الصديق اليوم ينسا صديقه
بقلمي
الشاعر محمدصادق عبادي الجهلاني
ليست هناك تعليقات:
إرسال تعليق