* قصيدتي ( نادي يا بلادي )
نادي يا بلادي
وقولي يا اولادي
نلبي دا العادي
كمان ونزحف زحف
غاليه يا بلادي
يا ساكنه في ضميري
وعقلي وفؤادي
الحب دا العادي
والعشق فوق الوصف
يا بلادي شايفينك
كمان وحاسينك
الحيره في عيونك
والعز في جبينك
وحيات محبينك
وسماعنا لانينك
والتجلي في جبالك
وهوانا في وصالك
اقسمنا نحميكي
أرواحنا تفديكي
ونصون اراضيكي
وإن شفتي يوم المكر
أصواتنا تهتف مصر
أعداءنا نعصر عصر
مالرب أصله معانا
من حبه لينا رضانا
خير كتير وادانا
نيل بيجري سنين
وطميه ملو العين
الميه تشفي عليل
والخضره شوفها جميل
الشمس تفرش نور
وحدودنا فيها بحور
وذاد من فضله علينا
شرفنا نسل نبينا
الوصل طال الود
والود علم فينا
يا مصر نادي بجد
نصطف حدك حد
بالامس خطك مينا
شمال وجنوب وسينا
النهارده وبكره لينا
انتهت من فضل الله تعالى قصيدتي ( نادي يا بلادي ) ونؤكد على أن جميع حقوقنا محفوظه وفقا للقانون مع أطيب تحياتي الأديب الدكتور محمد يوسف
ليست هناك تعليقات:
إرسال تعليق