أغنية
محيرنى
بقلم شريف شحاته مصر
يا مسهرنى ليالى وإنت حبيبى الغالى
دايما مشغول عنى تبعد وتحيرنى
تشغل فكرى وبالى يا مسهرنى ليالى
كل مرة أقابلك وأهمس لك بغرامى
نظرة عينى تقولك أشواقى وأحلامى
يوم وبتقفل بابك وابدأ أقاسى غيابك
أدور أسأل أحبابك وتتبدل أحوالى
يا مسهرنى ليالى
فاكر وانت جنبى آخر مرة أشوفك
حسيت حيرة قلبى من بعدك وظروفك
قلت لى يومها سامحنى وكلامك ريحنى
تغيب وما بتفرحنى كأن قلبك خالى
يا مسهرنى ليالى
أحمل كل همومك وأخاف زعلك منى
وأعاتبك وألومك ولا كلمة تطمنى
تغيب ولا تسأل فيا وتسيب شوقك ليا
النوم ما تشوفه عينيا إسأل وإرحم حالى
يا مسهرنى ليالى
ليست هناك تعليقات:
إرسال تعليق