..زاد عليا الوجع..ضربت كف على كف...

..زاد عليا الوجع..ضربت كف على كف...

ولا عاد فيا عقل. العقل لَسَع ..وخف..شارد فى ألف واد..

..راح ولا رجع..والصبر ع الجراح فى جهاد. وألم انطبع..

والحرف عجز عن الوصف..وامتنع..والقلم حبره جَف....

..جراد..على خير البلاد والعباد. تكاثر واجتمع..سواد. توغل وساد..من كتر الجشع والطمع..تحولت الرحمه بين قلوب العباد. 

..صارت جماد..والود اتنزع..والصد انزرع..

والوفاء بالعهد..اتركن ع الرف.....

..نفاق..ورياء..وفساد...ورحلت الأخلاق.  والأدب ساء.بين الأب والأبناء..وقتل أبرياء..بدوسة زناد..ولا حد عامل حساب لرب العباد.

..ولا لكلام النبى الهاد..ولا استمع...ولا دمع عينه زرف...

فصلنا توب ل العيبه..ورافقنا الزنوب والخيبه..أما عن توب الهيبه..

..انرقع..وانقطع..وسلكنا طريق أوغاد..ما بتعرف الشبع..تشوفهم متباهين بعيوبهم..صف ورا صف..مصتف.....

..وفُتِحَ المزاد..فُتِحَ المزاد..من يشترى أحفاد..غارسين للشر أوتاد..عايشين فى عناد..أما إن فلسطين دعتهم للجهاد..

..فى لحظه..فى ثانيتين..تنظر شمال ويمين..ما تشوف الا رماد..أوغاد..إللى هرب وخلع..واللى أصابه صرع..

..واللى رَيًل وطفطف..واللى قفل داره على نفسه..واف شاربه ولحيته نَتَف وحفحف...وجرح سكن السنين..وبأيام العمر نزف..

..وفرح ما عارف طريقه منين..صبح أعمى ومستكف...

زاد عليا الوجع..ضربت كف على كف.....

..بقلم الأديب..عدلى جعران عبدالرحيم..مصر ٢٠٢٥/٦/٣٠