//////++واش نسينا امي حادة++//////
واش نسينا امي حادة
ديك شريفة جاية غادة
حادة لمدجة وداك شمار
مولات الحايك مولات دار
مولات لوشام بين العينين
لعبادة الهيدورة والدين
دبليج فيديها ظاهر يسطع
حنة كحلة حمرة تلمع
تحلب لبكيرات تشربنا
من الماعز ناقات تروينا
تنخض شكوة في عمق الليل
تعجن الخبز على ضو قنديل
وترافقنا للبير تورد
وعلى ناس لوالة تعدد
ديك للي قالت لكلام سالة
ازمان هذا تغيرت الحالة
معذورة ليام ومقهورة
دابا دور دورة والصورة
ياولادي ماتت سرار حشمة
نتسناو من ربي الرحمة
كانت زينة كل جمايع
كان حس لمة معاها طايع
اتربي وتكبر لحفاذ
وحنانها اتعرفو لعباد
تجمع لحطب تزند به نار
مسكينة حادة ماعندها خثيار
ملي تجلس عند الكانون
ياك عنوان رسالة ومضمون
طول نهارها عايشة لثعاب
ف الليل سهرانة في لعداب
هذا حالها حادة حادة
ماعندها راحة لا سعادة
تشقى من اجل راحة بالنا
منسية ف ثعابها بلى هنا
حادة قادة ماتعرف عفن
وا مولات الزبدو وسمن
لتكلمت مولات لحناني
بوحها لغاز وشلى معاني
بقلم صقر الحروف
الزجال المحجوب بوسبولة
ليست هناك تعليقات:
إرسال تعليق