المهندس حسن محمد خليل
تراتيل قلب موجوع
اكتب وقول ياقلم
عن قلبي اللى ياما أتظلم
شاف كتير اوجاع
اللى خان واللى باع
وياما كتير من الفرح اتحرم
فى عز ربيع العمر
راحوا اللى كانوا بيزيحوا عنا المر
شربنا بعدهم الحزن كاسات
مابين هم ودموع واهات
وبانت وشوش مغشوشة كتير بتضر
اكتب عن وحدتى
وصديقتى هى دمعتى
نازلة على الخدود
نهر يجرى ملوش حدود
من اللى شفتوا فى دنيتى
عايش على الذكريات
افتكر كل عزيز مات
واتفرج على البوم الصور
أتألم كتير كل ماشفهم وافتكر
واترحم عليهم بانين الصمت والسكات
كفاية ياقلبي خدوع
تستسلم للاحزان وتكسر الضلوع
لا انت حترجعهم ولاهما حيرجعوا
لابد نعيش ايامنا وقناديلنا ينوروا
ونمسح بأيدينا الدموع وتفيد تانى الشموع
ليست هناك تعليقات:
إرسال تعليق